نكّسوا لعلام كلها وانصبوا الليله عزيّه       

     غالوا الصادق وبعده انهدم سور الجعفريه

** ** **

مفجعه موتة العالم يوم موته اشد يوم     

      اشلون لو كانت الموته من أثر حر السموم

كل قلب ينفطر لجله وتبكي طلاب العلوم     

     وليلة افراقه اليتامى تنتظر للصبح جيّه

** ** **

موحشه ابيوتك يجعفر والمدينه مظلمه      

       لبست الدنيا سواده حتى نجمات السما

شيعتك مفجوعه والمنصور ضاحك مبسمه    

      ما درى ابحال النبي وحالة علي وامه الزكيه

** ** **

من قبرها اتصيح ياللي قضّى بهمومه العمر    

        ايسيل دمعه ابخده كلما يسمع اسمي وانذكر

اشلون يا صادق اعيوني اتطيب وضلعي ينجبر      

     وانتو واحد بعد واحد نشبه لاظفار المنيّه

** ** **

بين مسموم وذبيح وبين شيخ وبين شاب     

     الناس تدري ابعمري يوم الرحت من عصرة الباب

اثمنطعش لكن مصايبكم تشيب للشباب     

       يبني جيت وشوف شيبي شيبتني الغاضريه

** ** **

شيّبتني امصيبة ابني الظامي وراسه قطيع          

         شيبتني رضة اضلوع ابني ابحالٍ فظيع

شيبتني امصيبة الأكبر وعبد الله الرضيع     

    وذبحة القاسم ابعرسه وسهم عباس الشفيّه

** ** **

للشيخ سجاد البيابي